Dalja për Prizren, përkatësisht Ura e Llukacit, sikurse edhe para urës në anën tjetër të daljes nga qyteti për Prishtinë ku janë mbyllur kanalet kulluese, sa herë bie shi bëhet e pakalueshme për këmbësorët të cilëve në këto pjesë u mungon edhe trotuari.
Banorët e këtyre zonave të qytetit e më së shumti nxënësit që kalojnë cdo ditë, kur mblidhet uji heqin të “zitë e ullirit” për ta kaluar urën. Këtë shqetësim e kanë ngrit edhe këshilltarët komunal në mbledhjen e djeshme, duke kërkuar që kjo gjendje të tejkalohet dhe sipas tyre kjo bëhet me pak punë e pak para. “Derisa të ndërtohet rrethrrotullimi, nuk bënë të lejohet një gjendje e tillë”, thanë ata duke adresuar kërkesën në Drejtorinë e Shërbimeve Publike për të ndërmarrë masat e duhura..