Gjakova me gjithsej 206 raste infeksioni me Covid 19 dhe 9 raste të vdekjeve- Shtabi Emergjent apelon për respektim të masave parandaluese
Numri i rasteve të reja me sëmundjen COVID-19 vazhdon të jetë në shifra shqetësuese. Pas dy ditëve radhazi me 49 raste, sot fatbardhësisht nuk ka asnjë rast. Numri i të infektuarve ka arritur në gjithsej 206 dhe me 9 raste të vdekjeve . Në Spitalin e Përgjithshëm në Gjakovë raporti 24 orësh flet për 51 pacientë të hospitalizuar që trajtohen për Covid, 16 prej tyre janë të konfirmuar Pozitiv me COVID-19 prej tyre 3 mjekë dhe 7 infermiere, kurse 31 pacientë janë të pakonfirmuar. Sa i takon gjendjese shëndetësore të tyre, 32 pacientë janë me oksigjenoterapi, 2 pacientë me CPAP masjë, 4 pacientë janë në gjendje të rënde, ndërsa me Covid pozitiv janë 3 mjek, 7 infermierë dhe 1 staf teknik. Porosia e spitalit është : Respektoni masat. Duke respektuar udhëzimet e ndihmoni veten, familjen dhe personelin shëndetësorë !
Rrugëve të Gjakovës janë pare kontrolle më të mëdha të Policisë dhe Inspektoriatit për të monitoruar gjendjen në teren, në respektimin e masave mbrojtëse, përkatësisht bartjes së maskave.
Shtabi Komunal Emergjent për menaxhimin e pandemisë, sot apeloi tek të gjithë banorët e komunës së Gjakovës që te mbajnë distancën sociale, maskat mbrojtëse dhe higjienën personale.
Në këtë takim, kryetari komunes Ardian Gjini, edhe një herë, u shpreh mirënjohës ndaj punëtorëve shëndetësorë, Policisë së Kosovës, Inspektorëve Komunalë dhe të gjithëve atyre që janë drejtëpërdrejtë në front me virusin e rrezikshëm.
Përmes këtij takimi, ata kanë njoftuar që me qëllim të parandalimit të përhapjes së COVID-19, klinikat private obligohen që të gjitha rastet e pacientëve, të cilët dyshohet se janë të infektuar me COVID-19, t’i paraqesin në Institutin Kombëtar të Shëndetësisë Publike Dega në Gjakovë. Në të kundërtën do të ketë sanksione sipas ligjeve në fuqi.