Ndërtohet tuneli një kilometërsh i kanalit derivues të Radoniqit

Kompania rajonale e Ujësjellësit “Radoniqi” të enjten  ka përmbyllur fazën e parë të ndërtimit të kanalit derivues të ujit që mbush liqenin e Radonqit prej nga furnizohen me ujë të pijes rreth 230 mijë banorë të Gjakovës, Rahovecit dhe të disa fshatrave të Prizrenit. Projekti tre vjecar i ndërtimit të kanalit të tipit tunnel në gjatësi prej mbi dy kilometra ka një kosto prej një milion e 300 mijë euro.

Me përfundimin e tërsishëm të këtij projekti do të menjanohen të gjitha kushtet  që mundë ta ndotin liqenin nga rrjedhat e ndryshme të dheut  dhe mbeturinave.

Drejtori I Kompanisë Rajonale të Ujësjellësit “Radoniqi”, Ismet Ahmeti  tha se ky projekt I mbështetur nga Qeveria e Kosovës, përkatësisht Ministria e Zhvillimit Ekonomik (për fazën e parë ka ndarë 400 mijë euro) dhe Ministria e Planifikimit hapësinor(faza e parë 200 mijë euro) hynë ndër projektet kapitale që kompania po bënë në ngritjen e cilësisë së shërbimeve për konsumatorët.

“Faza e parë  gati një kilometer me kosto 600 mijë euro është në përfundim e sipër ndërsa me fazën e dytë edhe 1.2 km, do të vazhdohet vitin e ardhëshëm” tha Ahmeti duke kujtuar që derdhjet e dheut për shumë dekada gjatë mbushjes së liqenit, e kanë mbushur atë me dhe duke i dhënë aromë ujit.

Ndërkaq, Agron Tafarshiku, drejtor teknik i “Radonqit” u shprehë  falenderues ndaj kompanisë që ka kryer me sukses dhe cilësi punimet në ndërtimin e kanalit derivues, gjërësia e të cilit është   270 centimetra dhe lartësia e tunelit është 210 centimetra,  që mundëson hyrjen e robotit për pastrim nga llymi që krijohet në tunel.

“Kompania jonë ka bërë një hap drejtë pastërtisë dhe cilësisë së ujit të pijes.  Me  ngritjen e këtij kanali të mbyllur pamundësohet derdhja e dheut dhe mbeturinave në liqe”, tha Tafarshiku.