Në numrin më të ri Gjakovapress: Jubileu i Universitetit të Gjakovës

Universiteti i Gjakovës nderoi kontributin e madh për paqe në Kosovë, të ish gjeneralit të NATO-s, Wesley Clark

Gjakova qyteti i dijes dhe kulturës, me 6 Mars 2023 shënoi një përvjetor të rëndësishëm të arsimit të lartë në prag të Ditës së mësuesit. Universiteti “Fehmi Agani”, kremtoi jubileun e  10 vjetorit ndërlidhur me  edukim, cilësi dhe arritje. Me këtë rast Universiteti i Gjakovës nderoi kontributin e madh për paqe në Kosovë, të ish gjeneralit të NATO-s, Ëesley Clark. Me rastin e  shënimit të  10 vjetorin të  themelimit u bë  ndarja e titullit të nderit Honoris Causa, për  gjeneralin  Clark.  Të kujtojmë se gjatë luftës në Kosovë në vitin 1999, Clark ka qenë komandant i përgjithshëm i forcave evropiane të NATO-s, në kohën e ndërhyrjes në ish-Republikën Federale të Jugosllavisë. Ish-gjenerali i NATO-s, Wesley Clark kishte deklaruar se intervenimi i NATO-s në Kosovë më 24 mars të vitit 1999 ka ndryshuar historinë e botës dhe  se me këtë intervenim botës i është dhënë dritë dhe shpresë.

Shënimi i përvjetorit të 10 të Universitetit Fehmi Agani   ka nisë paradite me homazhe te varri i prof. Fehmi Agani si dhe me mbjelljen  e 10-të fidanëve në oborrin  e rektoratit për të nderuar veprën e tij madhore prej sociologut dhe politikanit. Emri i Fehmi Aganit qëndron i gdhendur në piedestal të lartë, për kontributin e tij për liri dhe pavarësi, drejt formimit të shtetit të Kosovës. Rektori Zeqir Hashani ka thënë se vepra e Fehmi Aganit mbetet simbol  i rezistencës kundër shtypjes, frymëzim për gjenerata të tëra që do të vijnë, ndaj ne si universitet jemi krenarë që sot mbajmë emrin e tij dhe punojmë për të shumëzuar sukseset tona për një të ardhme më të mirë.

Në ceremoninë solemne të shënimit të  10 vjetorit të themelimit të Universitetit të Gjakovës, në shkollën e muzikës Prenk Jakova,  moren pjesë edhe mysafirë të shumtë ndërsa ky solemnitet u shoqërua  me ndarjen e mirënjohjeve për gjitha ata që kontribuuan në rritën e Universitetit Fehmi Agani në këtë dekadë,  si dhe u  shoqërua  me disa pika artistike