Norika dhe Valmiri në Javën e filmit në New York

Krijues të filmave nga Gjakova,   Norika Sefa me  filmin  “Gëzuar” dhe Valmir Tertini me filmin “Tradhti me letra” do të jenë në mesin e 25 krijuesve të filmave pjesëmarrës  në edicionin e pestë të “Javes së filmit shqiptar”  që do të zhvillohet prej datës 16 deri më 20 shtator në Neë York .  Filmi “Chheer” Gëzuar” flet për një djalë që merr rrogën e parë dhe vendos ta ndajë mes shokëve. Shokët e tij duan raki, Lisi do të pijë dhe pse nuk i pëlqen aspak por këtë e bën vetëm me dëshirën që të gjithë të jenë bashkë. Ndersa historiku i filmit “Tradheti me letra” që ishte shfaqur edhe në Gjakovë  është bazuar në ngjarje të vërtetë, kurse xhirimet janë  bërë në Hamburg të Gjermanisë, në një fshat të Gjakovës dhe në aeroportin e Prishtinës.

Java e filmit shqiptar,  që është një ndër manifestimet  më të mëdha të promovimit të vlerave kulturore dhe kinematografike Shqiptare,  këtë vit vjen në Edicionin e tij  të V-të, ku do të prezantoj prodhimet më të fundit të kinemasë Shqiptare, si dhe prodhimet e shumë artistëve Shqiptar që jetojnë e veprojnë jashtë trojeve të tyre.  Gjithashtu do të ketë aktivitete e debate përcjellëse që do të shoqërohen përgjatë Festivalit në mënyre që të promovohet kultura e kombit tonë duke qenë gjithmonë në shërbim të paqes e tolerancës.  Gjatë javës së festivalit do të prezantohet kultura, tradita dhe turizmi në tokat shqiptare. Në natën përmbyllëse të festivalit do të ndahen çmimet për filmat më të mirë pjesëmarrës në kategori të ndryshme, kurse nata e fundit e festivalit do t’i kushtohet jetës dhe veprës së lavdishme të Nënës Terezë. Në këtë edicion festivali organizohet në bashkëpunim më Konsullatën e Përgjithshme të Kosovës në Neë York.