Tuesday, April 2, 2024
Aktuale

Presidentja dekoron personalitete e shquara, nuk mungojnë as ata nga Gjakova

DEKORIMI_02

Dhjetëra personalitete të shquara të kombit, dhe jo vetëm, janë dekoruar pasditen e së shtunes nga Presidentja e Republikes së Kosovës, Atifete Jahjaga për kontributin e tyre për lirinë dhe pavarësinë e Kosovës.

Në ceremoninë solemne, në një hapsirë të ngushtë, Presidentja ka ndarë dekorimet “Urdhëri Heroi i Kosovës”; “Urdhëri i Lirisë”; “Urdhëri i Luftëtari i Lirisë Adem Jashari”; “Urdheri për paqe, demokraci dhe humanizëm Dr. Ibrahim Rugova”; “Medalja humanitare Nëna Terezë”; “Medalja presidenciale e meritave”; dhe “Çmimi për Inovacione Kërkime dhe Zhvillim”.

Mes personaliteteve të dekoruara nuk kanë munguar as ata nga qyteti i Gjakoves si të ndjerët, Ali Podrimja, Esat Bicurri, Shani Pallaska apo dëshmori Agron Rama. Po ashtu, është dekoruar edhe kengëtari Ismet Peja dhe aktoret Hadi Shehu e Sylejman Lokaj. Nuk janë harruar as personalitet historike si Ali Iber Nezaj dhe Bije Vokshi.

Në fjalen e saj, Presidentja Jahjaga, duke uruar për përvjetorin e pavarësisë ka thënë se përpos obligimit kushtetues, është edhe obgligim simbolik dhe i shoqërisë që të vlersësojmë kontributin e këtyre njerëzve të cilët kanë dhënë shumë për vendin.

“Ndihem e nderuar që dekorova të gjithë ata veprimtarë, artistë, profesorë, sportistë, të gjithë njerëzit e përkushtuar në profesionet e tyre që t’i arrijnë vlerat më të larta në punën dhe në angazhimin e tyre. Gjithashtu, ndihem e nderuar që kam dekoruar miqtë tanë ndërkombëtarë që në misionet e tyre në angazhimin konkret dhe personal, lanë gjurmë në zhvillimin tonë, kontribuuan që ne sot të jemi një shtet i respektuar demokratik, me rend dhe sundim të ligjit, me liri dhe të drejta për të gjithë qytetarët pa dallim”-, tha ndër të tjera Presidentja Jahjaga. /radiogjakova/

Te dekoruarit nga qyteti i Gjakoves:

Agron Rama – Urdhri “Hero i Kosovës”

*Urdhri “Hero i Kosovës” u jepet personave që kanë bërë vepra sakrifice dhe trimërie për lirinë dhe pavarësinë e Kosovës.

Ali Ibra – Urdhri i lirisë

Sabrije Vokshi (Bija) – Urdhri i lirisë

*“Urdhri i Lirisë” u jepet personave për kontributin e tyre të lartë për liri të Kosovës.

Ali Podrimja – Medalja Presidenciale e Meritave

Esat Bicurri – Medalja Presidenciale e Meritave

Hadi Shehu – Medalja Presidenciale e Meritave

Ismet Peja – Medalja Presidenciale e Meritave

Shani Pallaska – Medalja Presidenciale e Meritave

Sylejman Lokaj – Medalja Presidenciale e Meritave

*Medalja Presidenciale e Meritave u jepet personave që me punën e tyre kanë kontribuar në fusha të veçanta si arsim, shkencë, kulturë, rini, sport, siguri, shërbim civil.