Tuesday, February 6, 2024
Kulturë

Selman Riza burri  madh i Kombit,  nën hijen e pishave në parkun e Gjakovës

Dijetari dhe atdhetari i shquar gjakovar,  Selman Riza,  (1909–1988) me bustin e tij në qendër të Gjakovës, nën hijen e pishave, shpërndan dritë për brezat e rinj që kalojnë andej pari. Këtë 5 maj, duke kaluar skaj bustit të tij kujtuam njërin prej shkencëtarëve më në zë në lëmin e gjuhësisë shqiptare, njëherazi njërit prej luftëtarëve më konsekuentë kundër sistemeve diktatoriale të kohës së vet. Në fushën e krijimtarisë Riza mbolli farën e studimeve të albanistikës. E kujtuam me këtë foto, këtë burrë të madh të kombit tonë, për të shërbyer tek të rinjtë si impuls për të mos u ndalur në realizimin  ëndërrave të tyre për të mirën e kombit.

Disa fjalë për jetën e Selman Rizës, publicist, gjuhëtar dhe albanolog shqiptar.

Ai kreu mësimet fillestare në mejtepin e xhamisë së “Haxhi Ymerit” në Gjakovë ndërsa i vazhdoi në mejtepin “Ruzhdie”. Dëshira për t’u shkolluar në gjuhën shqipe e detyroi të largohet nga Gjakova,  qysh në moshën 13-të vjeçare. Në vitin 1922 u nis ne kembe për në Tiranë, ku menjëherë u regjistrua në shkollën plotore “Naim Frashëri”, në të cilën, në vitin 1925, u shpall nxënësi më i mirë në shkollë.

Në vitin 1925, Selman Riza i vashdon mësimet në Liceun e Korçës, që ne ate kohe ishte shkolla më me emër në Shqipëri. Edhe në Korçë, sikur në Tiranë, Selman Riza ishte nxënësi më i dalluar, me rezultate të shkëlqyeshme.

Në vitin 1932, Ministria e Arsimit i dha një bursë Selman Rizës për të ndjekur studimet në Universitetin e Tuluzës në Francë. Atje Selman Riza brenda tri vjetësh (1932-1935) kreu dy fakultete: Gjuhë-Letërsi franceze dhe Drejtësi.

Vdiq në Tiranë më 16 Dhejtor 1988, ndërsa me rastin e 100 vjetorit tё lindjes sё profesor Selman Rizёs, Institucionet më tё larta shtetërore dhe akademike tё Republikës sё Shqipёrisё dhe tё Republikës sё Kosovës, nё bashkëpunim me Komunën e Gjakovës, e përmbushen  amanetin e kësaj figure tё shquar tё historisё dhe kulturës shqiptare qё “Mbetjet e jetës sime tё truar tё varrosen nё Kosovёn shqiptare.”

 

 

Leave a Reply

Your email address will not be published. Required fields are marked *