25 futbollistë, kryesisht të ri , të enjten filluan përgatitjet për kampionatin e ri. Ata me një entuziazëm po dëgjonin këshillat e kryetrajnerit Arsim Gojani dhe ndihmës trajnerëve të tij për tu përgatitur sa më mirë. Nuk munguan edhe tifozët në shkallët e stadiumit.
Anipse vapa e bënte të veten, futbollistët e rinj kanë vendosur që të përgatiten sa më mirë për të siguruar vend në njëmbëdhjetëshin më të mirë. U prijnë futbollistët me përvojë, Valon Kasapi, Gjergj Bushaj, Ermir Nikoliqi, Albutrint Morina, Lorik Rudi e tj. Kanë ardhë në klubin amë Shpetim Duraku , Apollon Misku e Arber Komoni , ndërsa si përforcime iu janë bashkëngjitur: portieri nga Ballkani i Suharekes Arianit Kuqi dhe nga Luftëtari I Brekocit, Robert Berisha.
Shtabi teknik dhe kryesia e klubit mendojnë për dy- tri përforcime të reja për ta konsoliduar skuadrën me futbollistë që do ta bartin barrën kryesore të kampionatit.
Vëllaznimi në ndeshjen e parë që zhvillohet në Gjakovë, përballet me KEK-un. Pas rënies nga superliga nga Vëllaznimi janë larguar shumë futbollistë që do të luajnë për Istogun, Lirinë dhe skuadrat tjera. mirepo kryesia dhe shtabi teknik është i bindur se me këtë fond të lojtarëve do të nxjerr një ekip cilësorë.
