Gjakova me 631 raste aktive me Covid 19

Komuna e Gjakovës ende mbetet në krye të komunave me numrin e madh të të infektuarve me Covid 19. Gjatë  24 orëve të fundit janë konfirmuar edhe 44 raste të reja , duke e ngritur  numrin e të infektuarve qe nga fillimi i pandemisë në 4 mijë e 626.  Ka pasur 27 persona të shëruar duke arritur numrin e të shëruarve në 3 mijë e 855 pacientë. Deri me tash nga Sars cov 2 kanë vdekur 140 persona nga komuna Gjakovës. Problematike mbetet numri  i  madh i rasteve aktive që ka arritur në  631.

Tollovit dhe grumbullimet në furrat e Gjakovës në mbrëmje për furnizim me samunat tradicional të Ramazanit,  dje ka dhënë një element shtesë të rrezikut nga përhapja e virusit korona.

Ndryshe, në spitalin e përgjithshëm në Gjakovë  për Covid-19, sipas raportit të sotëm  po  trajtohen 64 persona,  prej tyre  47 janë të konfirmuar pozitiv. Në mesin e pacientëve që po trajtohen  janë edhe 3 nga Shqipëria.  Nga  numri i të hospitalizuarve, 37 janë me oksigjeno-terapi dhe  një me  CPAP. Në mesin  e pacienteve që po trajtohen janë edhe 3  infermierë dhe 5 nga stafi tjetër i spitalit.