Shkëputr nga numri më i ri i revistes Gjakovapress
Shkruan: Hajrulla Hana
(Është kjo CD-ja, albumi i 8–të me këngë nga ky grup i sajuar nga gjashtë anëtarë “të moshuar”, por që arritën për më pak se dy dekada të editojnë 8-të CD me këngë nga trevat mbarëshqiptare)
Përkundër pandemisë që përfshiu mbarë rruzullin me virusin COVID-19, ky grup muzikor gjeti kohë dhe forcë të editojë edhe një album të sajuar nga 12 këngë e një valle. Kjo tufë këngësh nostalgjike përbëhet nga 2 këngë gjakovare (të kantautorëve të ndjerë (Q. Vogël dhe M. Mejzini), 4 këngë shkodrane, 4 këngë nga Shqipëria e Mesme – tiranase dhe elbasanase, 2 këngë korçare dhe 1 valle autoktone tiranase. Edhe pse për nëntë muaj të izoluar dhe me përkujdesje maksimale për shëndetin e tyre personal dhe familjarëve të tyre, arritën t’i sjellin publikut artdashës këtë krijimtari muzikore-artistike.
Por ky mund iu shpagua-shpërblye, ku më 9 tetor 2020, QRTK-Gjakovë me drejtorin ark. Osman Gojanin, iu propozua MKRS për Trashëgiminë Shpirtërore “SOFRA GJAKOVARE” – Aktivitet Muzikore-Këngë Qytetare, pjesë e së cilës u propozua edhe grupi muzikor A.V.I. “ASHIKËT”, të cilët veprojnë dhe krijojnë në Gjakovë, Kosovë dhe trevat tjera shqiptare…Kështu:
VENDIMI Nr.133/2020, i MKRS, mbështetur nga ministrja z. Vlora Dumoshi, në mbështetje të nenit 145 (pika 2) të Kushtetutës së Republikës së Kosovës, lejon që Qendra Rajonale për Trashëgimi Kulturore Gjakovë, në mbështetje të nenit 4, paragrafi 7 të ligjit Nr 02/L-88 PËR TRASHËGIMINË KULTURORE, duke u bazuar në Listën e Trashëgimisë Kulturore për Mbrojtjen e Përkohshme të miratuar nga MKRS-ja me datë 10.10.2019, ju njofton:
JU SI, POSEDUES DHE SHFRYTËZUES TË ASETIT TË TRASHËGIMISË KULTURORE QË TRASHËGIMIA: SOFRA GJAKOVARE ME “ASHIKËT” – TRASHËGIMI SHPIRTËRORE me nr. rendor: 1691 është pjesë e Listës së Trashëgimisë Kulturore për Mbrojtje të Përkohshme, të miratuar nga MKRS me datë 10.10.2019.
Ky është motiv i një pune të pareshtur i këtij grupi entuziast muzikor…
Këngët janë sipas kësaj renditjeje: “O SA BUKUR SOT KE ÇILE”-shkodrane, “ERDH PRANVERA ME JESHILE”-Shqipëri e Mesme, “A SE KNON NI KANGË PËR MU”-shkodrane, “KUR NI DIT TE PASHË”-Qamili i Vogël, “KËNON KUMRIJA” dhe “ELBASAN QYTET I BUKUR”-elbasanase, “TE BLIRI I MOÇËM U NJOHËM” dhe “LULE BUKUR POR SI DIELLI”-korçare, “KU TE KAM TRANDOFILLE”-M.Mejzini, “TY PO TË PRES”-tiranase (titulli i CD-së së 8-të), “NË QERPIK MA KE NJË PIKË” dhe”KUR MË SHKON SI ZOG HAVA”- shkodrane dhe VALLE-tiranase. I tërë ky realizim u bë nga: Udhëheqësi i orkestrit Xhavit Lota, menaxherit, instrumentistit dhe këngëtarit Shefik Pallaska, veteranit, solistit dhe kitaristit Mazllom Morina, Ismet Bytyqi, solist, mandolinist, Misin Bakalli, mandolinist dhe solist si dhe Behar Qela, fisharmonikist.
Për editimin e kësah CD-je falënderohen nga grupi: Artan Bakija për regjistrimin e albumit.
Si dhe herave të tjera Shkelzen Rexha, për fotografi dhe dizajn.
Shoqata e Pensionistëve me drejtuesit Sh. Morinën dhe H.Saraqinin.
QTRK-ja, me ark. Osman Gojanin.
Shoqata e Pensionistëve me udhëheqësit Sh. Morina dhe H.Saraqini.
Një falënderim nga ky grup shkon edhe për dr. S. Zeka, H.Hana dhe Xh. Bytyqi…
Pastaj, falënderohet DKRS e K.K.Gjakovë K.K: Drejtoren Saranda Hyseni-Maloku e cila ndihmoi në editimin e këtij albumi të radhës.
Të përmendim se edhe në kohë të vështirë pandemie grupi muzikor u paraqit në manifestimin“Darka e vreshtave” tetor 2020, Therandë, Tv Dukagjini, Klan Kosova, Radio Gjakova (ku u bë edhe promovimi i kësaj CD-je, duke falënderuar S. Golën dhe Z. Vehapin) Tv Syri, Rtv 21 dhe programe solemne për këtë fundvit.
