Tashmë ka kaluar në traditë, që për festat e fundvitit Grupi muzikor Ashikët e Gjakovës, të sjellin projekte të veçanta muzikore si dhuratë për adhuruesit e muzikës qytetare. Të veçantë janë vetë anëtarët instrumentistë e këngëtarë, kryesisht të moshuar por entuziastë të pashoq për kultivimin e muzikës qytetare . Ata po lënë gjurmë në skenën muzikore se po nxjerrin nga “pluhuri” shumë perla të muzikës qytetare për t iu ofruar brezave të rinj muzikën e mirëfilltë. Janë këta : Shefik Pallaska , Mazllom Morina, Misin Bakalli, Ismet Bytyqi, Behar Çela dhe violinisti i talentuar, anëtari më i ri i grupit Eri Rraci. Kështu ndodhi edhe këtë vit. 12 këngë të bukura në një buqetë të titulluar “ASHIKËT & FRIENDS”-2. Regjistrimi tonik i këtyre këngëve u bë në Pallatin e Kulturës Asim Vokshi, ndërkohë që ekipi i revistës Gjakovapress ishte gjatë realizimit të këtyre këngëve.
Një atmosferë tamam festive por edhe pune mbretëroi në një mbrëmje dhjetori tek po incizoheshin këngët e projektit të dhjetë me radhë nga studio e DJ Lati. Pas ushtrimeve të shpeshta që grupi bëri, kishte ardhë momenti i regjistrimit. Udhëheqësi i grupit, Shefik Pallaska po kujdesej që gjithë rrjedha të ecën si duhet. Kujdesej që mysafirët e ftuar të projektit të jenë në kohën e caktuar. Kishin dëshirë që në këtë mbrëmje të ishte edhe këngëtari i shquar Petrit Carkagjija. Ai ka premtuar se do të realizoi një këngë me Ashikët. Tashmë Dreni, Artani, Laokonti, Fjoralba, dr. Nazmiu veç kishin ardhur. Ndjeheshin tingujt e bukur të këngëve të Ashikëve.
Derisa kënga po jehonte fotografi artistik Shkëlzen Rexha po nxjerrte fotot e realizimit të këtij projekti. Ai ndjek hap pas hapi përmes fotografive rrugëtimin e Ashikëve. Ndrwkaq gjatë pauzave të shkurtëra, ne biseduam me disa prej pjesëmarrësve në këtët projekt muzikor…..
