Boksieri gjakovar Taulant Jakupi në Kampionatin Evropian

Boksieri gjakovar Taulant Jakupi, pjesë e kombëtares së Kosovës në boks, do të jetë pjesëmarrës në Kampionatin Evropian. Në fakt, është hedhur shorti i boksiereve dhe boksierëve të Kampionatit Evropian për moshat 17 dhe 18 vjeçar që do të  mbahet në Sofje të Bullgarisë. Boksierët nga Kosova kanë pasur short të mirë ku të gjithë kaluan një gjiro të eliminatores pa luftë. Më 18 prill Taulant Jakupi në peshën 86 kilogram pret fituesin nga ndeshja Çeki-Armeni.

Taulanti është boksier me perspektivë ndërsa vitin e kaluar u shpall Sportisti më i mirë i Gjakovës.