Friday, April 5, 2024
Lajme

Dita botërore e tokës, veprimtari të shumta në Gjakovë

Sot u festua Dita Botërore e Tokës, si  çdo vit më 22 prill, në mbarë botën, për të rritur ndërgjegjësimin e njerëzve rreth mbrojtjes së mjedisit.

Me rastin e Ditës së Tokës, Sektori i Menaxhimit të mbeturinave në bashkëpunim me OJQ-të lokale dhe  kompaninë e pastrimit Çabrati”, sot ka  organizuar aksione të pastrimit  si dhe mbjelljen  e fidaneve, në pjesë të ndryshme të qytetit.

Sipas Albana Bakallit, udhëheqëse e sektorit  për menagjimin e mbeturinave në komunën e Gjakovës, situata me mbeturina është shumë më e mirë,  por në këtë ditë ajo i ka bërë thirrje qytetarëve që të  ta shtojnë kujdesin  për ambientin.

Në  mëngjes   është bërë largimi i tri deponive të egra përgjatë pjesës së re te rrugës   “Bujar Roka “,  me vazhdim në rrugën “Minatori” në drejtim të Varrezave të qytetit.  Ndërkaq sot paradite nxënësit e 7 paraleleve të shkollës fillore “Mustafa Bakija”, kanë mbjellur 7 fidane dekorative në parkun e madh të qytetit. Çdo pemë e mbjellur ka nga një thënje si thirrje për ruajtje të mjedisit, ka  thënë mësimdhënsja, Mirlinda Efendia.

Pjesë e aktiviteteve për të shënuar këtë datë, sot  ishte edhe aksioni për pastrimin dhe rregullimin e oborrit te  hapësirës krijuese  “BONEVET”  ku anëtarët e stafit dhe Anëtaret Vjetor  kanë bërë mbjelljen e trëndafilave për rreth objektit.  Aktivitetet  janë  mbyllur  me promovimin e serës në oborrin e  organizatës Hendikos.

Veprimtari në shënim të kësaj date, ka pasur në shumë mjedise, kryesisht shkollore, të komunës së Gjakovës.

Leave a Reply

Your email address will not be published. Required fields are marked *