Filarmonia e Kosovës të premten në mbrëmje në Gjakovë shfaq koncert me veprën e kompozitorit anglez Karl Xhenkins kushtuar Kosovës. Nën tingujt e trumbetës nis shpalosja e një tregimi të trishtë. Në pjesën më të madhe të veprës, përmes muzikës dhe këndimit, pasqyrohet dhimbja, përkujtohen viktimat dhe shpërfaqen pasojat e luftës.
Koncerti me Solistët, Korin dhe Orkestren e Filarmonisë së Kosovës” është një kombinim teksti dhe muzike si një vepër që mëton të përçojë mesazhin se lufta është e dëmshme. E për këtë përfundon me vargjet “Më mirë është paqe”. Dirigjent është Baki Jashari. Koncerti I Gjakovës është para-premierë e Filarmonisë së Kosovës pasi që të dielen premiera do të jepet në Prishtinë. Koncerti në Gjakovë shfaqet në skenën e pallatit të Kulturës Asim Vokshi prej orës 19.00.
