Sunday, April 7, 2024
Intervista

Intervista: Dueti Bashkim Bicurri dhe Fatlik Tafarshiku

DUET  ZË ËMBËL, I HARMONIZUAR DHE I KËNDSHËM

Dueti BASHKIM BICURRI dhe FATLIK TAFARSHIKU, karrierën e tyre muzikore e fillojnë kah fundi i viteve të shtatëdhjeta, e më vonë inkuadrohen në shoqëri muzikore . Zërin e këtyre këngëtarëve e kemi dëgjuar shumë herë në valët e radios, nëpër festivale e tj. Ishte ndër duetet shumë të suksesshëm, zëri i të cilëve ishte shumë i ëmbël dhe i harmonizuar për këndimin e shumë këngëve.

Dueti Bicurri-Tafarshiku morën pjesë edhe në festivalin e Gjakovës. Në çdo Festival triumfuan me vendet e para, ndërsa një bashkëpunim të ngushtë kishin me kompozitorin Frrok Seli. Me këngët e tyre argëtuan qytetarët në ahengje dhe dasma.  Veç kësaj, në kuartet me Kamuran Gorancin dhe Agim Qarkagjiun interpretuan për disa vite këngë të bukura popullore por edhe argëtuese. Ky kuartet i qëndroi shumë besnik këngës origjinale dhe kënduan me shumë pasion këngët e vjetra gjakovare, elbasanase, shkodrane dhe korçare.

Në bisedë me ta shpalosim rrugëtimin e tyre muzikor por edhe të profesioneve të jetës, njëri rrobaqepës e tjetri ekspert i fushës së bujqësisë.

Puna e rrobaqepësit është punë që nga fëmijëria jote apo si ka nisur?

Bashkimi: Prej  viteve ’66-ta që kam filluar si 15 vjeçar te dhëndri im Bim Gojani kam vazhduar deri në ’69-shin. Në vitin 1970  kam shkuar në shërbimin ushtarak edhe aty e kam kryer të njëjtin profesion. Jeta ime ka qenë rrobaqepësia dhe kënga.

Fatlik ju jeni përcaktuar për fushën e Bujqësisë. Jeni doktor i shkencave të Bujqësisë. Çka ju ka tërhequr për bujqësinë?

Po, e kam pas në shpirt gjithmonë. Po e them,  këtë profesion e dua me shpirt . Kam  studiuar  në Prishtinë dhe atje e përfundova Fakultetin e Bujqësisë. Menjëherë jam  inkuadruar në Kombinatin Bujqësor Industrial  “Ereniku” , gjigantin bujqësor në ish Jugosllavi.

 Po  doktoraturën ?

Pasi magjistraturën e përfundova  në Novi Sad e kreva edhe doktoraturën në Lubjanë. Kam specializuar për mbrojtjen e bimëve. Pastaj erdhën kohërat e vështira,  lufta na largoi nga puna,  tash e kam kompaninë time,  quhet “Rinda” e kam në Gjakovë.

Sa po arrini me i ndihmu bujqve me këto produkte që ju i ofroni atyre për me pas një bujqësi më të zhvilluar?

Së pari në profesionin tim jap këshilla,  pa lek,(qeshje) . Kemi përvojë jetike,  kemi bërë bukur përvojë të madhe në lëmin e bujqësisë,  sepse kam punuar shumë në KBI “Ereniku”, kam qenë mbrojtës i bimëve dhe mundohem që dijen time ta përcjell te fermerët.

Po kalojmë tash nga profesionet e juaja të përditshme tek kënga. Ishin ato fillimet tuaja interesante sikurse e të gjithë të rinjve apo kishin ndryshime.  Bashkim si ia nise me u marrë me këngën?

Me këngën, ishte krejt rastësisht. Një mbrëmje Naki(Fatliku), Kameroni(Goranci), Agim Qarkagjiu duke shkuar me një dasmë edhe ndalen tek unë në dyqan dhe më thonë: A mos po dëshiron me ardhë sonte me ne? Edhe unë i thash po! Ishte  e rastit ajo shumë. Nejse shkova at natë me këta dhe  bash u kënaqa. Pastaj më hyri në shpirt,  kështu dhe nuk iu ndava më  grupit. Shkoja vazhdimisht me këta në dasma e ahengje. Ditën  punojsha, në mbrëmje shkojsha në dasmë,  kështu për qejf të shpirtit,  se atëherë nuk ka qenë ndonjë përfitim i madh aty dhe kam vazhduar ashtu.

Fatlik,  kur hyri në grup Bashkimi ,  si ju duk juve, si e pranuat?

Bashkimi ka qenë një mik i yni dhe e morëm me dashmirësi. Ai  me plot shpirt e pranoj dhe filloi me u koordinua. Filluam me Agimin , tashmë të ndjerë. Filloi shpejt me u koordinu bukur me zëra. Fisharmonikisti Ali Xharavina,  maestro, ka punuar me Bashkimin edhe me Agimin. Duke punuar e bëri një duet të paparë. Për ne ka qenë shumë i mirë edhe këngët e vjetra gjakovare të lartat kur e jepte Bashkimi zërin e vet sidomos në këngën “Gur mbi gur bëhet kalaja” u kallte dasma krejt,  e lëshonte zërin e bukur… (Intervista e plotë në numrin më të ri të revistes Gjakovapress nr. 135)

Leave a Reply

Your email address will not be published. Required fields are marked *