KB Vëllaznimi fillon me pergatitjet por kriza vazhdon

Në adresë të redaksisë ka ardhë një njohtim nga Kryesisa e klubit të Basketbollit “Vëllaznimi”  nga I cili bëhet me dije se  gjendja financiare e Klubit është jashtëzakonisht e dobët dhe aspak premtuese.
Përkundër përpjekjeve të gjerëtanishme për të siguruar financime të qëndrueshëm, nuk kemi arritur të sigurojmë fondet e duhura për nisjen me sukses të edicionit të ri.
Gjerë më sot nuk kemi marr asnjë përgjigje në kërkesën tonë drejtuar Komunës së Gjakovës për përkrahje financiare. Gjithashtu përpjekjet e gjerëtanishme për të siguruar donacione dhe mbështetje nga organizata dhe biznese kanë rezultuar të pasuksesshme. Këtyre ditëve ende jemi në negociata të fundit me kompani serioze si donatorë potencial dhe mbetemi me shpresë në arritjen e një marrëveshje në ditët në vijim.
Sidoqoftë, pasi që afati për paraqitje dhe kuotizimin e Klubeve është në limitet e fundit të saj, duke parë që stërvitjet e para të klubit tonë kanë filluar dhe me qëllim që të mos zhgënjejmë vullnetarët e shumtë në numër si dhe tifozët tanë të flaktë, “Kuqezinjtë e Jakovës”, e më pas edhe mbarë adhruesit e këtij sporti në Gjakovë, Bordi ka vendosur që të paguaj detyrimet për kuotizim të klubit dhe mbetet I përkushtuar në përmbylljen me sukses të negociatave për gjetjen e sponzorit eventual për mbajtjen gjallë të klubit.
Pamundësia e mbështetjes financiare, e rrezikon dukshëm klubin, që në një moment të caktuar mund edhe të jetë I detyruar që pavullnetshëm t’i ndërpresë garat, në edicionin 2013/2014. Andaj, Bordi i KB “Vëllaznimi” edhe njëherë fton të gjithë  dashamirët e sportit, organizatat dhe institucionet që të shikojnë mundësinë dhe të kontribuojnë në mbështetje të klubit për të mbajtur gjallë shpirtin sportiv duke i’a mundësuar garimin me sukses në edicionin e sivjetëm të Supërligës së Basketbollit, thuhet ne kumtesen e KB Vellaznimi