Wednesday, February 7, 2024
Aktuale

Klubi i Rotarianëve të Gjakovës për pesë vjetorin e pavarësisë

Rotary

Klubi i Rotarianëve të Gjakovës, mbrëmë, me një takim solemn, me pjesëmarrje të shkrimtarit dhe historianit Jusuf Buxhovi, ka shënuar 5 Vjetorin e Pavarësisë së Kosovës.

Buxhovi, duke folur për rrugëtimin historik të Kosovës, fillimisht është ndalur në rolin e Gjakovës në këtë kontekst, të cilin e quajti bërthamë historike kombëtare me një reference jo vetëm historike por edhe kulturore dhe intelektuale, në etapa të ndryshme historike ku njerëzit e këtij vendi kanë marr përgjegjësi në situata vendimtare. Andaj, jo rastësisht është shprehur Buxhovi, planet e Qubriloviqit dhe Qosiqit e kanë pas parasysh këtë ambient, të cilin e vuri në shënjestër edhe regjimi i Millosheviqit në luftën e fundit në Kosovë duke vrarë shumë njerëz dhe duke djegur e shkatërruar edhe shumë objekte banimi dhe monumente kulturore e historike të Gjakovës. Ndërkaq, duke i bërë një vështrim 5 Vjetorit të Pavarësisë së Kosovës, Buxhovi tha se përkundër shqetësimeve dhe pakënaqësive që kemi, megjithatë vendi ka përparime në rrugëtimin e tij. “Që Kosova të njihet dhe të stabilizohet si shtet, klasa politike e saj duhet të jetë më e përgjegjshme dhe të jet e përgatitur për sfidat të cilat e

presin”, tha Buxhovi. Ai përpara Rotarianëve gjakovar theksoj se stabilizimi i Ballkanit varet nga një marrëveshje historike shqiptaro-serbe, ku si rezultat i kësaj duhet të jetë edhe njohja e shtetit të Kosovës nga ana e Serbisë. Buxhovi shtoj se ky realizim i konceptit tonë, përderisa Evropa për këtë nuk ka konsensus të brendshëm, bëhet vetëm me mbështetjen e vazhdueshme nga Shtetet e Bashkuara të Amerikës. /gjakovapress.info/