Konferenca e Parë e Investitorëve me 28 dhe 29 korrik

Me 28 dhe 29 korrik në Gjakovë do të organizohet Konferenca e Parë e Investitorëve, ku do të prezantohen projekte në infrastrukturë, si projekti i menaxhimit të mbeturinave, ndriçimit publik, parkingjeve, shkëmbimin e ideve në biznes, në mes të bizneseve lokale, investitorëve e tjerë. Një gjë e till është bërë e ditur në takimin e djeshëm të Qeverisë komunale.  Mimoza Kusari-Lila ka thënë se projektet do të prezentohën para investitorëve, përkatësisht kompanive  të interesuara për projekte në nivelin komunal, ndërkohë që në këte konferencë do të bëhët fjalë edhe për klimën e biznesit në komunën e Gjakovës. Sipas Kusari-Lilës komuna do të jetë e hapur edhe për projekte në kuadër të partneritetit publiko-privat, ndërmjet komunës së Gjakovës dhe individëve apo kompanive private, ndërkohë që konferenca do të ketë disa objektiva. Pos kësaj e para e komunës së Gjakovës, ka thënë se para investitorëve do të prezentohën sektorët me potencial si dhe projektet për të cilat tashmë është filluar të punohet. Ndërkohë Kusari-Lila ka veçuar disa projekte madhore me interesë për komunën e Gjakovës: si projekti i parkut të Shkugëzës, Kodrës së Çabratit, stadiumit të qytetit, parkut të qytetit, trafikut urban, etj.