Nuk është thënë kot se “Uji është jetë”. Pa këtë element jetësor e të domosdoshëm përditshmëria jonë do të ishte e pamundur. Komuna e Gjakovës ka fatin që ka ujë të mjaftueshëm të pijes dhe nuk i ka hallet e komunave tjera me furnizim me ujë të pijes edhe në dimër e lërë më në verë.. Liqeni i Radoniqit si një pasuri e madhe mbledh ujin që përpunohet nga Kompania Rajonale e Ujësjellësit “Radoniqi” për tu përpunuar dhe për t’ju dhënë në shfrytëzim rreth 250 mijë banorëve të Gjakovës, Rahovecit dhe disa zonave të Prizrenit.
Furnizimi i liqenit bëhet nga lumi Lumbardh, që vjen nga bjeshkët e Decanit, ku ka pasur më shumë borë, ndërkohë që edhe reshjet e shiut kanë ndikuar në mbajtjen e kuotave normale të nivelit të liqenit duke e ngritur atë nga katër centimetra në ditë.
Zëdhënësi i kësaj kompanie Bekim Gola tha se prurjet e ujit në liqe janë konstante dhe se ato janë garanci për një furnizim 24 orësh të konsumatorëve me ujë të pijes.
“Edhe dicka më shumë se tri metra do të mbushet në tersi liqeni dhe niveli i tij do të arrijë në derdhje” tha Gola duke garantuar furnizim të bollshëm të ujit të pijes edhe gjatë muajve të verës.