Dega e Lidhjes Demokratike e Kosovës, në Gjakovë,te marten ka mbajtur tubimin e saj përmbyllës elektoral në Gjakovë.me c’rast Kandidati për Kryetar të Komunës së Gjakovës, nga rradhët e LDK-së, Dr. Luan GOLA, në fjalën e Tij, është shprehur: “ Gjatë këtij muaji elektoral, por edhe më parë, ne kemi vizituar Regjionin e Hasit, Dushkajës, Rekës së Mirë, Rekës së Keqe dhe gjithë Bashkësive dhe Lagjeve të qytetit të Gjakovës.
Në të gjitha këto takime kemi hasur në pakënaqësi të mëdha të banorëve ndaj qeverisjes aktuale lokale të komunës sonë, si dhe kemi vërejtur se, si asnjëherë më parë, qytetarët kërkojnë që të ndryshojnë këtë keqqeverisje dhe të dalin në rrugën drejtë të zhvillimit. Ata ndjehen të mashtruar, të lënë pasdore dhe të harruar nga qeverisja lokale në Gjakovë.
Andaj ju siguroj, se pas ardhjes në pushtet të Lidhjes Demokratike të Kosovës, në Komunën e Gjakovës, infrastruktura, shëndetësia, bujqësia, sporti dhe sektorët tjerë të lidhur me jetën e qyetarëve tanë, do të pësojnë një ndryshim pozitiv të paimagjinueshëm gjerë më sot “,u shpreh kryetari Gola.
Ndërsa, Kryetari i Lidhjes Demokratike të Kosovës, Akad. Isa Mustafa duke kërkuar mbështetje për z. Gola, është shprehur: “ Unë sot kërkojë mbështetjen Tuaj për njeriun i cili është një mjek i mirë, njëri i mirë, menaxher i shkëlqyeshëm, njëri me kulturë dhe integritet dhe i cili si synim ka kthimin e dinjitetit Komunës së Gjakovës. Gjakovës e cila i dha Kosovës aq shumë, por morri aq pak. Ju keni disa kandidat për kryetar të cilët vinë nga Prishtina të kandidojnë në Gjakovë, të cilët janë kandidatë pa parti, apo në shuarje e sipër të cilët kanë mendime të mira për veten, porse nuk mund as të krahasohen me kandidatin e Lidhjes Demokratike të Kosovës, andaj edhe kërkoj votën tuaj sot për z. Luan Gola. Ne duam dhe presim që pas 3 Nëntorit, Gjakova dhe e gjithë Kosova të mburret me qytetin e Gjakovës, siq jemi mburrur gjithmonë “ u shpreh Kryetari Mustafa në fund, njohton shtabi zgjedhor i LDK-së.