Nga raporti i Drejtorisë për Mbrojtje dhe Shpëtim
Si pasojë e reshjeve të dendura të shiut të datës 16 dhe 17 shtator 2022, komuna e Gjakovës është ballafaquar me një situatë serioze emergjente të shkaktuara nga këto reshje.
Që nga mesnata, me tu lajmëruar rastet e para ekipet e zjarrfikësve në mënyrë suksesive iu janë përgjigjur kërkesave të qytetarëve për ndihmë. Fillimisht kanë shkuar në fshatin Gërqin ku ka qenë edhe njësiti policor për evakuimin e një familjeje në lagjen Gjuraj.
Duke parë seriozitetin e gjendjes, zyrtarët e Drejtorisë për Mbrojtje dhe Shpëtim kanë dalë në teren rreth orës 04:30 h, fillimisht janë marrë me konstatimin dhe vlerësimin e gjendjes faktike në zonat urbane dhe para lagjet e qytetit, me ç’rast janë konstatuar vërshime pothuajse të të gjitha rrugëve të qytetit, ku qarkullimi ka qenë shumë i vështirësuar e disa prej tyre edhe të bllokuara si, rruga:
– “Tirana” (tranziti), në gjithë gjatësinë e saj, pastaj,
– komplet segmenti rrugor Bardhyl Qaushi – Gjergj Sokoli deri te pompa e benzinës “Molika’, ku janë evidentuar dëme të konsiderueshme në infrastrukturë rrugore ku edhe ashtu janë duke u zhvilluar punime. Po ashtu, në këtë rrugë nga Shërbimi Zjarrfikës janë tërhequr 2 automjete të ngecura në afërsi të ETC,
– bllokim i rrugës lokale Skender Shehu – Ahmet Korenica prapa Comodita, dhe vërshim i komplet rrugës nga dalja e lumit Llukac në këtë lokacion.
– bllokim i rrugës “Ymer Pula”, rruga që lidh bllokun e ri me fshatin Moglicë, ku niveli i ujit kishte kaluar urën dhe kishte dëmtuar edhe mbrojtëset e saj.
– bllokim i qarkullimit rrugor në rr. Wesley Clark
– bllokim i rrugës Yllka Domi
– bllokim, vërshime dhe prurje të masës së madhe të dheut në rrugën e Çabratit “Bajram Curri” ku kanë pësuar shumë familje të kësaj lagjeje.
Në orët e hershme të mëngjesit, si pasojë e daljes së lumit “Erenik“ nga shtrati i saj, Shërbimi Zjarrfikës, dy herë me anë të barakave ka bërë evakuimin e 9 familjeve që banojnë në afërsi të këtij lumi, lokacioni Brekoc, rr. “Shote Galica”
Prej këtij momenti, d.m.th, rreth orës 06,00h e mëngjesit si në Qendrën 112 dhe atë 193 të Zjarrfikësve kemi pasur një fluks të jashtëzakonshëm të thirrjeve.
Me këtë rast kemi urdhëruar mobilizimin e gjithë stafit të Shërbimit zjarrfikës për t’iu dal në ndihmë në mënyrë sistematike kërkesave të shtuara të qytetarëve, pasi që rreth orës 08:00h kemi evidentuar gjithsejtë 83 raste/kërkesa për ndihmë pothuaj se nga të gjitha lagjet e qytetit e në këtë kohë më të theksuara kanë qenë ato tek Pika e Zezë (rr. Adem Delija) dhe në para lagjen e qytetit Brekoc, me emërues të përbashkët:
– bllokim dhe vështirësi në qarkullim rrugor,
– vërshim të oborreve, bodrumeve dhe kateve përdhese
Me kalimin e kohës situata ka filluar të përkeqësohet edhe në zonat rurale të komunës si: Korenicë, Bordosan, Devë, Jahoc, Meje, Babaj Bokës (rrëshqitje të tokës).
Pothuaj se të gjitha lagjet e qytetit si dhe pjesët periferike të saj kanë qenë në një e një formë tjetër të goditura nga vërshimet….. (gjërsisht në numrin më të ri Gjakovapress 165)
