Wednesday, April 3, 2024
Lajme

Në nivel vendi sot numër treshifror i të infektuarve, në Spitalin e Gjakovës të hospitalizuar 16 pacient

Shqetësimet e përhapjes së Covid 19 kanë përfshirë rajonin e gjerë. Shifrat alarmante në disa shtete evropiane kanë ndezur sërish sinjalin e kuq për kujdes të shtuar në respektimin e masave kundër Covid.  Gjatë 24 orëve të fundit, nga gjithsej 889 mostra të marra nga ShSKUK dhe gjurmimi i kontakteve të rasteve në terren, rezultojnë 104 raste pozitive. Numri total i rasteve pozitive është 16.606 raste nga 78.161 persona të dyshimtë në virusin SARS-CoV-2 dhe 652 raste të vdekjes.

Në komunën e Gjakovës  janë konfirmuar 3 raste të reja duke ngritur numrin e përgjithshëm në 658 raste. 45 raste kanë përfunduar me vdekje nga Covid 19.

Në Spitalin “Isa Grezda”, sipas  Hilmi Shales, ushtrues i detyrës së drejtorit,  po bëhen përpjekje për t iu ofruar ndihmë mjekësore gjithë të hospitalizuarve të dyshimtë për Covid 19. Sipas tij, sot në repartet e këtij spitali janë të hospitalizuar  16 pacientë, prej tyre 12 të konfirmuar me Covid 19. Nga numri i përgjithshëm 2 pacientë janë konfirmuar negativ, njëri prêt rezultatin e testit dhe një tjetër prêt të testohet. Gjendjen më të rënduar e kanë 10 pacientë që janë me oksigjenoterapi dhe një është me CPAP maskë.

Drejtori Shala ka thënë se me korona virus janë konfirmuar edhe 4 mjek të spitalit, një infermier dhe punëtor i administratës.

Instituti i Shëndetit Publik të Kosovës në vazhdimësi apelon: Mbuloni gojën dhe hundën me maskë!, Mbani higjienën! Respektoni distancën!

Leave a Reply

Your email address will not be published. Required fields are marked *