Pas një pauze të gjatë, muaji janar do të kthej në skenën e teatrit aktorët dhe adhuruesit e artit skenik. Menaxhmenti i Teatrit Profesionist të Gjakovës tashmë i ka zgjidhur problemet dhe mosmarrëveshjet me Ministrinë e Kulturës dhe shumë shpejtë pritet të vazhdojë me përgatitjen e premierës “Budallai”, e cila ishte shtyrë për nëj afat të pacaktuar. Këtë e ka konfirmaur për Radio Gjakovën, Edi Kastrati, drejtori i Teatrit të Gjakovës. Ai ka thënë se tashmë mjetet e dedikuara për këtë shfaqje janë marrë ndërsa brenda pak ditësh edhe do të rinisin provat. Sipas tij, premiera e shfaqjes “Budallai”, do të ipet në fund të muajit janar.
Ndryshe, “Budallai” është një komedi amerikane, me autor Lary Shou, ndërsa regjinë e saj është duke e bërë Zana Hoxha – Kraniqi. Regjisorja ka grumbulluar rreth vetës një numër të madh të aktorëve gjakovarë, në mesin e tyre edhe Myrvete Kurtishi, Ahmet Bakija, Bujar Ahmeti, Edmod Hafizademi, Valon Pallaska, Daniella Markaj, Yllka Lota e të tjerë, të cilët edhe do të jenë bartësit e roleve të kësaj komedie.
