Prim. dr. Sc. Rifat Lila me mirënjohjen   “Nderi i Mjekut Ali Sokoli”

Jeta dhe veprimtaria e mjekut gjakovar, Dr.Rifat Lila gjithnjë u vu në shërbim të shëndetit të popullatës. Gjatë tërë jetës aktive profesionale, por edhe tash në këtët moshë, u përpoq të iu sigurojë me përkushtim të madh kujdes dhe vëmendje pacientëve rreth diagnostifikimit dhe mjekimit të tyre në kushte dhe rrethana më njerëzore në Institutin e Mjekësisë së Punës, të cilin edhe e themeloi por edhe tash në pension.

Pacientët flasin fjalë miradije për kujdesin që tregon dr. Rifati, për saktësinë e diagnozave që ai jep dhe këshillat për shërim të plotë. Sa ishte në detyrën e drejtorit të Institutit të Mjekësisë së Punës, ai arriti që këtë qendër shëndetësore ta shndërroj në një vend profesionalizmi, pune përkushtuese dhe discipline të lartë. Për nga natyra primarius doktor i shkencave të mjekësisë Rifat Lila është i afërt me pacientët, i qeshur gjithnjë. Për punën e tij të suksesshme u nderua me shumë mirënjohje, por sipas tij, mirënjohja më e madhe është ajo, kur merr nga pacientët pasi ata të shërohen. Ndryshe kohë më parë ka marrë dekoratën nga Oda e mjekëve të Kosovës me titull “Nderi i mjekut Ali Sokoli” i cili është dhënë për zhvillimin e institucioneve shëndetësore në Kosovë. Për Gjakovapress, bëmë një intervistë të shkurtër, të cilën mund ta lexoni gjërëshisht në numrin më të ri të Revistes Gjakovapress 132..