Saturday, April 6, 2024
AktualeLajme

Shiu i tepërt rrezikon prodhimtarinë bujqësore

Po kalon një javë dhe shiu nuk ka të ndalur. Kjo ka shqetësuar pa masë prodhuesit bujqësorë, sepse tejngopja  me ujë dëmton kulturat bujqësore, ndërsa ndal procesin e pjekjes së grurit. Këtë e konstatojnë edhe në Drejtorinë Komunale të Bujqësisë në Gjakovë.

“Nuk kemi bërë ndonjë vlerësim  pas reshjeve të vazhdueshme të shiut, por një gjë dihet se procesi I pjekjes së grurit po vonohet dhe kjo mundë të ulë rendimentet e pritura “ tha Ismet Isufi, drejtor I Drejtorisë së Bujqësisë në Gjakovë.

Ai ka shtuar se edhe kulturat e mbjella në pranverë kanë nevojë për diell dhe ngrohtësi në këtë fazë. Në komunën e Gjakovës këtë pranverë  janë mbjellë rreth 6 mijë hektarë me misër, perime dhe kultura tjera bujqësore.

Megjithëkëtë ,paralajmërimet e metereologëve për ditët e ardhshme me diell zbusin shqetësimin e  fermerëve për dëme më të mëdha në prodhimtarinë bujqësore.