Edhepse ka ngelur edhe xhiroja e fundit e kampionatit të Ligës së parë futbollistike të Kosovës, Vëllaznimi tashmë e ka siguruar superligën dhe këtë arritje po e kremton në forma të ndryshme. Duatrokitjet e tifozerisë dhe festa në fushë për këtë arritje nuk ka mjaftuar. Futbolistët kanë përjetuar edhe një befasi të këndshme nga tifozet femra. Futbolistët, përmes kapitenit Albutrint Morina dhe Lorik Rudi u ftuan në një darkë solemne kinse nga kryesia e klubit, por në të vërtetë ishin ato që i priten në restaurant për ta festuar hyrjen e klubit të zemrës në Superligë. Vajzat tifoze, bashkëshortet, të dashurat dhe motrat e lojtarëve të FC Vëllaznimit, përgatitën një video disa minutëshe me të gjitha momentet më të bukura të rrugëtimit të futbollistëve . Në fund uruan dhe përshëndetën me video – mesazhe, ish – lojtarët e Vëllaznimit: Ylber Myrta, Robert Gjeraj, Hikmet Bajrami, Shpat Tetrica dhe poashtu Drilon Nuza i cili për shkak të lëndimit nuk e ka vazhduar garën por i është bashkuar festës .
Futbollistët “kuq e Zi” u emocionuan shumë nga kjo video dhe nga urimet. E gjithë kjo befasi kaloi me muzikë, vallëzim dhe falënderime kurse për çastet gazmore më shumë u përkujdesën futbollistët Lekë Vula dhe Yll Myrta të cilët nuk lanë kënd pa imituar. Festa vazhdojë deri në orët e para të mëngjesit dhe për nga ideja ishte e veçantë dhe do të mbahet mend një kohë të gjatë nga të gjithë në klubin Vëllaznimi.
