Tollovit para furrave në këtë kohë, rrezikojnë shëndetin tonë! 

Grumbullimi i qytetarëve para furrave të  bukës për të blerë samunët tradicional të Ramazanit,  që janë par dje pasdite deri në mbrëmje, kanë shtyer inspektoratin e komunës së Gjakovës që sot të dalë në teren për të vendosur rend. Numri i madh te furrat, në kohën e masave parandaluese të COVID 19, ka irrituar kryesisht punonjësit e institucioneve shëndetësore, të cilët kanë reaguar për këto veprime. Një reagim është bërë edhe në faqen zyrtare të facebokut të Qendrës Kryesore për Mjekësi Familjare, ku janë kritikuar qytetarët për veprimet e ditës se djeshme, ndërkaq i është bërë thirrje që të reflektojnë dhe të respektojnë masat në këtë kohë të pandemisë.

“Po si është e mundur që mos të kuptojmë një gjë kaq të thjeshtë se KJO NUK DUHET TË NDODHË!”, kanë apeluar në QKMF.

Nisur nga tollovit e krijuara mbrëmë, Artan Hoxha, kryeinspektor në Kuvendin e Komunës së Gjakovës i tha sot Radio Gjakovës, se sot janë urdhëruar inspektorët që dalin në teren dhe ti njoftojnë pronarët e furrave me rregullat që duhet të  zbatojnë, duke kërkuar që të mos lejohen të tilla grumbullime.