Vera me temperaturat e larta ka hyrë me vrullë këto dy ditët e fundit dhe menjëherë ka sjell telashet e para për të moshuarit dhe të sëmurët kronikë. Mjekët këshillojnë që në këtë vapë, këto shtresa të popullatës , të mos I ekspozohen diellit posaqërisht nga ora 11.00 deri në orën 17.00 dhe të përdorin sa më shumë lëngje. Në të këtilla temperature mëngjeset dhe mbrëmjet i gjejnë në Shkugëz dhe vendfreskime tjera shumë bashkëqytetarë.
Meterologët thonë se mot me diell dhe me vranësira të çrregullta do të na shoqërojnë gjatë këtyre dy ditëve të vikendit. Të dielën vende-vende pritet të ketë zhvillim të vranësirave duke krijuar një destabilitet të përkohshëm të motit, kështu që rigat e karakterit lokal janë të mundshme nëpër disa zona, njofton Instituti Hidrometeorologjik i Kosovës. Temperaturat minimale do të lëvizin ndërmjet 13-16 gradë Celsius, kurse maksimalet e ditës do të lëvizin ndërmjet 32-34 gradë Celsius. Shtypja atmosferike do të shënoj rënje të lehta duke i ruajtur vlerat e normales.
Derisa këto temperature për dike janë të bezdishme, ato janë normale për këtë periudhë të vitit, ndërsa janë të domosdoshme për prodhimtarinë bujqësore në tërsi e në vecanti për grurin, që është në fazën e pjekjes.
