Gjatë 24 orëve 13 raste të reja me Covid 19, në Spitalin e Gjakovës 60 të hospitalizuar

Në komunën e Gjakovës, në 24 orët e fundit janë konfirmuar 13 raste të reja  me Covid 19. Numri i të infektuarve deri më sot, ka arritur  në 4 mijë e 934 raste.  Brenda kësaj periudhe janë shëruar 24 pacientë,  ndërsa gjithsejtë të shëruar nga fillimi i pandemisë e deri më sot janë 4 mijë e 482 pacientë. Sipas raportit të fundit  të IKSHPK-së, në Gjakovë  është  regjistruar një rast vdekje(58 vjeçar) duke e ngritur numrin e të vdekurve në 150. Aktualisht në Gjakovë janë 302 raste  aktive.

Në spitalin e përgjithshëm “Isa Grezda”, aktualisht po trajtohen 60 persona për covid 19. Prej tyre, 42 janë të konfirmuar pozitiv. Nga numri i të hospitalizuarve, 37 po trajtohen me oksigjeno-terapi dhe dy  me CPAP maskë. Në mesin e pacientëve që po trajtohen janë edhe 5 pacientë nga Shqipëria.