Tuesday, June 4, 2024
Kulturë

Shënohet 50 vjet. i rock grupit FARAZIMUS

farazimus salla

Me rastin e 50 vjetorit të themelimit të Rock Grupit FARAZIMUS, në mbështetje të Komunës së Gjakovës të shuan në Pallatin e Kulturës “Asim Vokshi” në Gjakovë u  organizuat Tryeza e rrumbullakët. Me këtë rast  u fol  per rrugëtimin e të parit rok grup në qytetin tonë. Për këtë,  me kumtesa u prezantuan Behar Arllati, Agim Byci dhe Shkelzen Rexha

Rock grupi Farazimus u themelua në vitin 1964 në Gjakovë, qytet ky i njohur për kultivimin e muzikës popullore dhe asaj te lehte shqipe. Farazimus u paraqit para publikut pak vite pas jehonës së paraqitjes së Rock grupeve të para angleze, The Shadows, The Beatles, Roling Stones, etj.

Këtë formacion muzikor e përbenin 4 anëtarë (kryesisht nxënës të shkollave te mesme):
Fadil GREZDA, ritëm kitarë
Ragip BALLATA, solo kitarë
Zija BEJTULLAHU – BYREKU, bass kitarë dhe
Musli POZHEGU, në bateri.
(me grupin Farazimus bashkëpunuan edhe Selim BALLATA, solist, Selami BALLATA, tastierë dhe Sami NURA, kitarë)

Performanca dhe stili i muzikës të cilin ky formacion e interpretonte do të plotësoj mozaikun muzikor në këtë qytet dhe do të shënoi fillimet e Rock muzikës në Kosovë. Grupi është paraqitur për dhjetë vite rresht në organizimet rinore, vikendeve, mbrëmjeve të maturës, dhe festave tradicionale në Gjakovë, Deçan dhe Mitrovicë.

Ishin pjesëmarrës edhe ne Kitariadën e Tekstilistëve të ish-Jugosllavisë të mbajtur në vitin 1968 në Krushevc.

E përbashkëta e anëtarëve të grupit ishte mosha rinore, entuziazmi, shikimi nga bota perëndimore si dhe aspiratat kah liria dhe demokracia.

Natyra e kësaj muzike, rrethanat financiare, detyrimin ndaj studimeve dhe mëpastaj rrugët e ndryshme jetësore të anëtarëve ishin përcaktuese që grupi Farazimus të jetë aktiv deri kah viti 1974.