Foto: Ylber Bardhi dhe Leonora Muçaj aktorët më të mirë në Gjakova film festival 2013
Leonora Mucaj është shpallur aktorja më e mirë, Ylber Bardhi aktori më I mirë , ndërkohë që filmi “Sister”- Motra” i regjisorit Birol Urcan, ku luajnë këta dy fitues të çmimeve, nga juria e festivalit të filmit në Gjakovë ka marrë çmimin e publikut.
Filmi më i mirë u shpall filmi bullgar “Udhëtimi trip- Travel trip” të autores Radostina Neykova. “Duke e parë cilësinë shumë të mirë të filmave që janë shfaqur në Gjakovë, jam shumë e gëzuar që kam marrë pjesë e aq më tepër që jam ndruar me çmimin e parë” tha Neykova.
Leonora dhe Ylberi luajnë në filmin e shkurtër që ka këtë përmbajtje: “ Imeri është një punëtor shqiptar i Kosovës në Gjermani, ai është i martuar dhe ka një jetë të lumtur. Megjithatë babai i tij që banon në Kosovë nuk mendon fare kështu, ai është duke këmbëngulur për atë për disa vite të kthehen në Kosovë dhe të martohet me një vajzë shqiptare të Kosovës. Imeri në fund vendos të kthehet për një vizitë, dhe kjo është kur fillon telashe e që regjisori Urcan e shtjellon me një sens të hollë humori por me plot dramaticitet”.
Stefani Lelai ka marrë çmimin për skenarin më të mirë, kurse çmimi special Paula, I ka takuar filmit të Ujkan Hysës “Kolona”, kurse aktori I rolit kryesor në këtë film, Sunaj Raça ka marrë çmimin e medias.
Filmi më i mirë i festivalit i ka takuar filmit me titull “Travel trip” ndërsa këtë cmim e ka ndarë kryetari komunës Pal Lekaj i cili krijuesve të filmave u ka uruar suksese në krijimtarinë e tyre të ardhshme.
“Për këto ditë sa ka zgjatur festivali, Gjakova ju ka vlerësuar shumë” tha Lekaj.
Janë ndarë edhe shumë çmime tjera të Gjakova film Festival 2013 ku për katër ditë janë shfaqur 24 filma nga 20 vende të botës me tematikë dashurinë.(gjakovapress.info)
