Monday, June 10, 2024
KulturëLajmet e shpejta

Agron Peni vazhdon me sukseset

agron-peniKitaristi gjakovar Agron Peni u prezantua me sukses edhe në një koncert solistik në Prishtinë . Në Teatrin Oda në kuadër të festivalit DAM, Peni u prezantua me katër pjesë solo që i luajti e që ishin krejtësisht të pa dëgjuara për publikun. Pikat e interpretuara ishin pjesë e albumit më të ri që përmban dy CD me interpretime në stilin më klasik dhe flamengo. Duartrokitjet e gjata pas interpretimeve të Agron Penit, sic raporton Kult.plus,  ishin dëshmia më e mirë e suksesit në këtë koncert që u cilësua si mrekullia më e madhe që ka bërë festivali këto ditë.
Agroni thotë se koncentrimin e ka tek këngët shqipe që janë tepër të bukura, veç që duhet përkushtim të merresh me to dhe ti kthesh në një version më klasik dhe profesional. Dobia e kësaj është se ai është lidhë me një kompani spanjolle që nga viti i kaluar dhe ata albumin e kanë shpërndarë në gjithë botën duke bërë që muzika shqiptare të njohë kultura tjera, të dalë përtej, dhe kjo është një dobi shumë e madhe. Agron Peni kohëve të fundit është mjaft aktiv në skenën muzikore. Javën e kaluar ishte në Tiranë në hapjen e festivalit të Kitarës Klasike, dhe ka qenë shumë në nivel, sëfundmi në Festivalin DAM ndërsa mendon të vazhdoj në Shkup e qytete tjera.