Në kuadër të edicionit të ri të Akademisë Evropiane Verore për Muzikë – ESMA, që po mbahet në Gjakovë, të martën në mbrëmje u shfaq një koncert I profesorëve të kësaj akademie. Vepra të njohura të kompozitorëve botëror u interpretuan nga instrumentistë dhe soolistë të njohur. E pranishme në këtë koncert ishte Ambasadorja e Gjermanisë në Prishtinë Angelika Viets e cila përgëzoi pjesëmarrësit e kësaj akademie për punën e suksesshme që po bëjnë në Gjakovën e kulturës dhe traditës.
Anipse në sallën e mbushur të shkollës së muzikës Prenk Jakova mbante vapë, interpretimet e shkëlqyera sjellnin freski dhe shoqëroheshin me duartrokitje. Të gjitha pikat të shoqëruara me piano nga Desar Sulejmani, janë pritur ngrohtësisht ndërsa në veçanti sopranoja, prof. Caroline Merz.
Koncerti I ardhshëm do të jetë pas dy ditësh kur do të përformojnë nxënësit, pjesëmarrës të kësaj akademie.
