Saturday, April 27, 2024
Gjakova PresssKulturë

Albi dhe Florenti vazhdojnë garen “The Voice..”

Albi XhepaVazhdojnë sukseset e talenteve te rinjë të muzikes. Albi Xhepa dhe Florent Abrashi kanë vazhduar garen në “The Voice of Albania” duke kaluar në fazen më të rëndësishme, dhe njëkohësisht më interesante, atë të “Netëve live”, ku konkurentët do të synojnë finalen pas performancave “live” që do bëjnë në skenë.

Albi Xhepa u paraqit me këngën e Gjergj Jorgaqit “Në këtë natë”, ndërsa si sfidante pati Estela Brahimllarin nga Korca e cila u paraqit me një tjetër këngë shqip, atë të Aurela Gaces “Nuk mjafton”. Sidriti vendosi që të shkojë përpara me Albin, teksa ky i fundit u shpreh tejet i lumtur.

florenti abrashiEdhe Florent Abrashi vazhdoi më tutje në këtë talent-show. Ai pati përballë Armela Tushen e cila u paraqit me këngën e Kelly Clarkoson-it, “Never again”, ndërsa vet Florenti, duke i qëndruar besnik rock-ut, rrymë muzikore që e ka nderuar tek “The Voice”, ka kënduar “Masken e madhështisë” të Eugent Bushpepës.

Florenti u shpreh i lumtur për veten dhe ndjeu keqardhje për kolegen së ciles i duhet të mbyllë garen dhe të shpresojë për suksese herave tjera. Ndërkohë, pos Albit dhe Florentit, në “Netët live”, nga skuadra e Sidrit Bejlerit kanë kaluar dhe Benjamini, Stivi e Xhejni.