Sot në mbarë botën shënohet Dita Botërore e Librit, e cila origjinën e idesë së përkujtimit të kësaj dite e ka në Spanjë, në zonën e Katalonjës, ku atij që blinte një libër I dhurohej edhe një trëndafil.
Në Gjakovë, biblioteka Ibrahim Rugova, po mbanë traditën për të shpërblyer lexuesit më të mirë. Përkundër rrethanave me pandemi, biblioteka , si tradicionalisht, ka shpallur lexuesit më të devotshëm në shtëpinë e librit në Gjakovë. Shpërblimi për lexuesit më të mirë gjatë vitit të kaluar në Bibliotekën “Ibrahim Rugova” në Gjakovë, në sektorin për të vegjël ju ka takuar Diella Kusarit, Arsa Asllanit, Omer Ukshinit, Rea Kasapit dhe Arsa Polloshkës. Ndërkaq në sektorin për të rritur fitues u shpallën Pashke Ndrecaj, Filloreta Muhaxhiri, Hana Qurdina dhe Florian Juniku.
