Wednesday, June 5, 2024
AktualeLajme

Boronica do të kultivohet edhe në Gjakovë

Në komunën e Gjakovës gjatë pranverës së ardhëshme do të nisë realizimi i një pilot projekti për zhvillimin e bujqësisë e që ka të bëjë me kultivimin e boronicave. Projekti “Mundësitë e Reja për Bujqësi” i mbështetur nga organizata NOA  si program i USAID-it do të realizohet në bashkëpunim me Drejtorinë e Bujqësisë.

BoronicaNdryshe, USAID-i ka investuar në zhvillimin e industrisë së frutave të imta në Kosovë pjesërisht përmes paraqitjes së llojeve të reja. Këtu përfshihen llojet e reja të mjedrave dhe dredhëzave që piqen mirë në vjeshtë si dhe boronicat e kultivuara. Boronica është një  burim i mirë natyral i antioksiduesve për një  shëndet optimal.

Sipas Ismet Isufit, drejtor i Bujqesise ne KK te Gjakoves, më shumë se një hektarë boronica planifikohet të mbillen në anën e Rekës së Keqe,  në pjesët kodrinore ku janë kushtet e volitëshme për kultivimin e këtij fruti të rëndësihëm për shëndetin. Programi Mundësitë e Reja për Bujqësi është një aktivitet i financuar nga USAID-i me qëllim që të kontribuojë në  arritjen e Strategjisë së USAID-it për Rritje Ekonomike në Kosovë duke promovuar rritjen, krijimin e vendeve të punës  dhe gjenerimin e eksportit. Programi funksionon sipas tri fushave  të gjera që synon  në rezultatet e menjëhershme të projektit që ka të bëjë me lidhjen mes  prodhimeve bujqesore  dhe fermerët që të lidhen me tregjet, rritjen e games së prodhimeve bujqësore , përmirësimi i cilësisë dhe sigurisë së ushqimit e tjera.