Për ndërtimin e urës së re në Kramovik duhet të pritet deri në pranverën e vitit të ardhshëm. Kështu ka deklaruar ministri i Infrastrukturës, Fehmi Mujota, i cili ka thënë se tashmë është përzgjedhur një kompani ndërkombëtare për ndërtimin e kësaj ure. “Punimet për urën e re pritet të nisin në pranverën e hershme të vitit të ardhshëm. Është hera e tretë që ne e kemi hapur tenderin për ndërtimin e kësaj ure dhe ka përfunduar kjo procedurë dhe presim që kompania fituese ta sjellë projektin për ndërtimin e urës. Ndërtimi i urave është përfshirë edhe në buxhetin e vitit 2014, mirëpo nuk është precizuar ura e Kramovikut”, ka thënë Mujota, raporton KTV-ja.
Qytetarët thonë se mbi urën e shembur frikësohen të kalojnë. Ndërkohë, ura e përkohshme, e ndërtuar nga FSK-ja, në qershor të këtij viti, është bërë me donacion të KFOR-it amerikan.
Ura në Kramovik ishte dëmtuar pas reshjeve të mëdha të shiut në muajin mars të këtij viti dhe ishte ndërprerë për qarkullim.
