Çmimi Din Mehmeti për Halil Haxhosajn dhe Sejdi Berishen

Mitingu 50Në Gjakovë, te premten në mbremje perfundoi  Mitingu jubilar i 50-ti me radhë  ku 25 poet nga Kosova, Shqipëria dhe vendet tjera, lexuan poezitë e tyre më të reja. Hapjen e mbrëmjes qendrore e bëri kryetarja e komunës Mimoza Kusari Lila e cila ndau edhe mirënjohje për Dritëro Agollin i cili per shkaqe shendetesore nuk erdhi ne Gjakove, por solli nje pershendetje dhe poetët mysafirë nga Katolonia.

Çmimin kryesor për vepër më të mirë të botuar mes dy mitingjeve  iu  nda Halil haxhosaj për veprën: Ekspozitë në stinën e re   dhe Sejdi Berishes për veprën “Gjethet e hirta të zemërimit”. Shtëpia botuese Fan Noli ndau çmimin për vepër jetësore për poetin Hasan Hasani. Cmimi për poezinë më të mirë të lexuar në mbrëmjen qendrore që e ndan Klubi Letrar Gjon Nikollë Kazazi i takoi poetit nga Shqipëria Iljaz Bobaj, pëtr poezinë “Kali egër” Ndërkaq  çmimin Yllka Domi për poeteshën debitante e mori:Bleta Qehaja nga Gjakova.

Organizatori ndau mirënjohje edhe për të gjithë kryetarët e klubit letrar Gjon Nikollë Kazazi    për 50 vitet e rrugëtimit të Mitingut: Din mehmeti, Bujar Rexha, Ali Musa, Mehmet Bobi, Nexhmedin Soba, Ali Thaqi, Kadrush Radogoshi, Halil Haxhosaj, Agim Byci, Qemjal Juniku , Engjell Berisha dhe Muharrem kurti.

Në ditën qendrore, të edicionit jubilar të manifestimit më prestigjioz të fjalës së shkruar në trevat shqiptare, Mitingu Tradicional Ndërkombëtar i Poezisë,  u mbajt tribuna tradicionale e mitingut ku u debatua në temën  “Kritika aktuale në letërsinë shqipe”. Me fjalë rasti u prezantuan kritikët letrar: Ilir Yzeiri nga Tirana dhe Agim Vinca nga Prishtina.