Saturday, April 27, 2024
AktualeGjakova PresssLajme

Dita Ndërkombëtare e Popullsisë

 11 korriku është  Dita Ndërkombëtare e Popullsisë e cila që nga viti 1987 shënohet nga  Kombet e Bashkuara. Me një numër të popullsisë që ka kaluar 7 miliardë banorë, bota ka mundësi të përshpejtojë progresin drejt një qëllimi fundamental e që është  Qasja Universale në Shërbimet e Shëndetit Riprodhues.

Lindja e fëmijës është momenti më i gëzueshëm në jetën e një gruaje. Megjithatë, ende ky proces merr jetën e shumë grave anë e kënd botës. Çdo ditë, 800 gra vdesin në shtatzënësi apo në lindje prej komplikimeve që në të shumtën e rasteve do të mund të parandaloheshin. Për çdo grua që vdesë, rreth 20 apo më shumë vuajnë prej sëmundjeve afatgjata apo paaftësive të ndryshme që nga infertiliteti e deri tek depresioni.

Këtë vit trendet e rritjes së popullësisë në komunën e Gjakovës shënojnë rënie.  Sipas të dhënave të Shërbimit të Statusit Civil të Kuvendit Komunal të Gjakovës, gjatë gjashtë  muajve të parë të këtij viti,  në komunën e Gjakovës kanë lindur  896 foshnja, që është dukshëm më pak se  në gjysmëvjetorin e parë të vitit 2012.