Kosova është goditur nga dy tërmete pas mesnate. Tërmetin e kanë ndjerë edhe banorët e komunës së Gjakovës. Shqetësimet e gjakovarëve nga drithja e tokes janë shprehur në rrjtetet sociale, ndërkohë që nuk raportohet për ndonjë dëmë në komunën e Gjakovës.
Duke u bazuar në Rrjetin Sizmik të Shërbimit Gjeologjik të Kosovës dhe Qendrës Sizmike Euro-Mediterane, si dhe në analizën numerike të Divizionit Sizmologjik të Kosovës, më 21 janër 2015 në ora 02:30 sipas kohës lokale, vendi ynë është goditur nga një tërmet me magnitudë 4,1 sipas shkallës Rihter.
Epiqendra e këtij tërmeti ishte 12 km në perëndim të Istogut, ndërsa thellësia hipoqendrore ishte 5 km. Për shkak të thellësisë së përfillshme të vatrës së tij, tërmeti në fjalë është ndier dukshëm nga banorët vendit tonë, po ashtu edhe në vendet fqinje të Kosovës. Deri më tani Rrjetin Sizmik, Shërbimi Gjeologjik i Kosovës nuk posedon të dhëna lidhur me dëmtimet eventuale në zonën epiqendrore.