Traditen për kulturen, artin dhe muzikën në Gjakovë po e vazhdojnë edhe brezat e rinjë. Si për çdo vit, edhe sivjet KinoMoscoë ka hapur një konkurs për filmbërësit evropianë në mënyrë që ata të aplikojnë e të realizojnë filma që më pas shfaqen në festivale evropiane. E mes të pranuarve sivjet në këtë konkurs, është edhe kosovarja Norika Sefa. Fituese edhe në konkursin evropian ShortPich, Sefa ka aplikuar për skenar dhe është në mesin e 23 regjisorëve të tjerë të rinj që sivjet janë zgjedhur në këtë program. Sefa është e vetmja kosovare, në Moskë gjegjësisht në shtetin që njihet për raporte jo fort të mira me Republikën e Kosovës.
Ajo ka krijuar një skenar për një film 15 minutësh dhe me 5 maj pritet të niset për Rusi.
“Ka qenë një konkurs për një ide dhe skenar për film të shkurtër, ndërsa fillimisht do të jetë edhe një ëorkshop gjatë të cilit kemi me formue një grup dhe me e ba një film” tregon Sefa për KultPlus.
“Do të gjejmë aktorët, muzikën, editimin dhe krejt procedurën e nevojshme. Është shumë e rëndësishme për mua e sidomos kur diçka e tillë ndodh në një shtet si Rusia. Për mua është sfiduese të takohem me reagime të të tjerëve, dhe të mos e humbas autenticitetin edhe në bashkëpunim me profesionistët tjerë ” vazhdon Sefa.
Projektet që dalin nga 23 të përzgjedhurit do të marrin pjesë më pas në një festival filmi që e organizon po kjo organizatë, KinoMoscoë.
