Tuesday, June 4, 2024
Sporti

Futbollistët e Vëllaznimit moren një pikë, merituan fitore të plotë

Pa marrë parasysh gjendjen jashtëzakonisht të rënduar financiare dhe organizative në klubin e futbollit Vëllaznimi, futbollistët po tregojnë vetëmohim, dëshirë për fitore dhe ikje nga fundi I tabeles. Kjo u dëshmua edhe të dielen kur në Gjakovë është zhvilluar ndeshja kampionale e javës së 12- të Ligës së parë të Futbollit të Kosovës. Vëllaznimi barazoi 1 me 1 me Feronikelin 74. Të parët avancuan kuqezinjtë me golin e Jurgen Gjinit ndërsa barazuan mysafirët nga pika e bardhë. Penaltia e akorduar u kontestua nga vet futbollistët dhe pakënaqësia ishte e madhe edhe nga tifozeria.

Ata pak shikues që ishin në stadium padyshim se janë ndarë të kënaqur me lojën fantastike të gjithë futbollistëve të Vëllaznimit që i kanë merituar tri pikë. Pas përfundimit të ndeshjes ata kritikuan ndarjen e drejtësisë që sot dhe në ndeshjet tjera po ua merr “hakun”. Akordimi I penaltisë së paqenë për skuadrën mysafire dhe mosakodrimi I një penaltie në favor të Vëllaznimit kanë qenë pikat më të zbehta të ndeshjes për çka thonë edhe zyrtaret e klubit, se iu kanë drejtuar disa herë  Organeve të Federates se Futbollit të Kosovës.

Leave a Reply

Your email address will not be published. Required fields are marked *