Komisioni qendror për monitorimin e fushatës se korrje-shirjeve për vitin 2015 në Ministrinë e Bujqësisë ka konstatuar se tashmë janë pjekur kushtet për fillimin e korrje-shirjeve dhe se në disa komuna fushata ka nisur me një intensitet me të lartë dhe se do të vazhdojë edhe në komunat tjera. Nga dita e djeshme korrje-shirjet po vazhdojnë me ritëm me të madh në anën e Dukagjinit. Edhe në komunë n e Gjakovës janë korrë hektarët e parë në fshatin Janosh, ndërsa zyrtarët e bujqësisë kanë thënë se zyrtarisht dhe me intensitet kjo fushatë në Gjakovë do të nisë me 10 korrik. Komisioni, që përbëhet nga përfaqësues të shoqatave, drejtorive komunale dhe zyrtarë të Ministrisë së Bujqësisë vlerësoi lartë procedimin e pagesave për përfituesit e subvencioneve për grurë, para se të fillojnë korrje-shirjet. U tha se kjo ka qenë një lehtësim shtesë për fermerët, krahas rritjes se shumës së subvencionimit, nga 125 në 150 euro për hektarë. Komisioni në ditët në vazhdim do të monitorojë në gjithë Kosovën procesin e korrje-shirjeve dhe do të nxjerrë raporte javore dhe një raport të përgjithshëm për rendimentet dhe ecurinë e fushatës në përgjithësi. Në Kosovë sivjet janë mbi 84 mijë hektarë tokë të mbjellë me grurë kurse vetëm në komunën e Gjakovës janë mbi 4 mijë e 500 hektarë me grurë. Ndërkaq, Ministria e Bujqësisë, Pylltarisë dhe Zhvillimit Rural ka mbështetur rreth 11 mijë fermerë me subvencione, që në total përkrahja është rreth 6 milionë euro.(
