Edhe një sukses i madh i futbollit gjakovar. Skuadra e të rinjve të KF Gjakovës ka triumfuar në njërin prej turneve më të njohur të futbollit në botë, ku marrin pjesë me qindra ekipe nga i mbarë globi. Vetëm nga Kosova kanë marrë pjesë 23 ekipe.
KF Gjakova U-12 është fituese e turneut të njohur të futbollit, Gothia Cup. Djelmoshat gjakovar në finale kanë shënuar fitore të thellë ndaj skuadrës së moshatarëve të tyre nga Halmstadi (8:2).
Futbollistët e rinj gjakovar kanë lënë përshtypje shumë të mirë në këtë turne, ndërsa deri në finale i kanë shënuar edhe katër fitore radhazi ndaj skuadrave të ndryshme. Në xhiron e parë kanë mposhtur ekipin suedez, Gerskens (6:0), pastaj Assyriska (4:3), Puebla nga Meksiko (5:2), Bele Barkaby (8:6 pen.), kurse në gjysmëfinale kanë mposhtur ekipin gjerman, Maccabi Frankfurt (2:0).
Në këtë turne, si transmeton sporti1, kanë marrë pjesë 23 ekipe nga Kosova, por vetëm skuadra e KF Gjakovës ka arritur suksesin maksimal.
Turneu Gothia cup është burimi kryesore ekonomik i klubit Häcken BK në elitën e futbollit suedez, Allsvenska duke siguruar rreth 8 milion euro të hyra nga zhvilimi i tij.
Një bashkëyqtatre yni, Dedi Tunaj që ka ndjekur këtë veprimtari në Suedi ka sjellë edhe informacione shtesë. Sipas tij KF Gjakova në grupin e vet ka mundur së pari Taby United te Suedisë 4-0,pastaj ne gjiron e dyte ka mundur ekipin BK Hacken Svart poashtu te Suedisë 5-0 dhe ne gjiron e tretë ka mundur SC Borgfeld te Gjermanisë 9-0. Pra KF Gjakova e ka kaluar grupin si e para me 9 pike dhe me goldiferencë 18;0 ! dhe pastaj kanë ardhur edhe këto rezultate te cilat i keni postuar ju.( Gazeta Tribuna)
