Gjakova me shkollën e re “Këlmend Rizvanolli”

Familjet arsimdashëse Rizvanolli dhe Kusari i dhurojnë Gjakovës një shkollë të bukur

Porosia e donatorëve: Lirisë dhe jetës sonë i duhet më së shumti DITURIA

Dita e 2 shtatorit 2013 do të shënohet si një ditë e veçantë për historikun e qytetit të Gjakovës. Grupe nxënësish, të gëzuar po bëheshin gati që për herë të parë të fillonin vitin e ri shkollor në një shkollë të re. Gerti, Klea, Arlindi e shumë të tjerë sapo dëgjuan zilen po shpejtonin që të ulen në bankat e reja. Ata sillnin kokën poshtë e lartë për të përjetuar bukuritë e shkollës ku do të kalonin një pjesë bukur të mirë të fëmijërisë. Janë të lagjeve përreth shkollës dhe tash do ta kenë shkollën afër, skaj lumit Krena, tek Tabhanet. Po mahniteshin me bukurinë e shkollës. Nga sot ata do të quhen nxënësit e “Këlmend Rizvanollit”, siç quhen tash e shumë dekada nxënësit e “Zekirja Rexhës”, ”Mazllom Këpuskës”, “Mustafa Bakisë”, Yll Morinës”, “Fehmi Aganit”,” Selman Rizës” e tjerave shkolla.

Familjet arsimdashëse Rizvanolli dhe Kusari nga Gjakova, kanë shënuar rastin e parë dhe unik në Kosovë, duke i dhuruar pasurinë e vet të trashëguar, për arsimin shqip, përkatësisht për ndërtimin e një shkolle publike . Këtë vepër madhështore e projektuan dhe e realizuan me përkujdesjen e çiftit ing.Shkelzen Thaqi & ing. Arch. Ilirjana Zhubi-Thaqi, për punë e zellshme që e bënë Drejtoria e Arsimit u ndau mirënjohje sikurse edhe dy familjeve donator për këtë shkolle te ndërtuar me standarde Evropiane! Fjala e rastit në ditën e dorëzimit të Shkollës Fillore Këlmend Rizvanolli

Xhelal Kusari flet në emër të familjeve Kusari dhe Rizvanolli:
Ideja e ndërtimit të kësaj shkolle lindi nga historia e një djali, jeta e të cilit u ndërpre para kohe, në mes të rrugës, përkundër shëndetit të mirë që rrezatonte dhe forcës së pazakonshme fizike, që shprehej në vullnetin dhe energjinë e tij të pashtershme, për të vazhduar tutje, por, që ndonjëherë, nuk përfillen nga jeta.
Dikush mund të pyesë cili ishte ky djalë, emrin e të cilit do ta mbajë shkolla ku ndodhemi sot ?
Këlmend Rizvanolli, të cilin të afërmit dhe miqtë e njohin dhe e kujtojnë me emrin e shkurtuar : Kela ose Keli, ishte fëmiu i vetëm i Fatmir Rizvanollit (vdiq në mars 2000) dhe Fakete Kusarit (vdiq në maj,2006).
Të dy prindërit e Këlmendit vijnë nga familje të respektuara të qytetit, me tradita arsimdashëse, që i kishin shkolluar dhe arsimuar fëmijët e tyre në kushtet e mungesave dhe pengesave, nga më të ndryshmet.

Artikulli i plot me biografitë e Këlmendit dhe prinderve të tij, në revisten Gjakovapress numer 61