Hendboll: Vëllaznimi ishte shumë afër fitores ndaj Prishtinës

Të dielen në mbrëmje, në Pallatin e Sporteve Shani Nushi  u zhvillua ndeshja kampionate e superligës së hendbollit kosovar në mes të Vëllaznimit dhe Prishtinës e cila u mbyll me fitoren e mysafirëve me rezultat 25:28. Fillimi i dy pjesëlojëve u takoi “kuq e zinjve”. Në të parën deri në minutën e 17 Vëllaznimi ishte në epërsi e nga kjo minutë deri në mbyllje të pjesëlojës së parë Prishtina avancoi me nga një gol për ta përmbyllur këtë periudhë të lojës me rezultat 13: 14. Edhe në pjesëlojën e  dytë Vëllaznimi u tregua më i angazhuar dhe në minutën e 38’ arriti avantazhin e parë për ta mbajtur avantazhin prej dy golave deri në minutën e 42. Në këtë minutë kur pritej që nga aksioni i Vëllaznimit të arrihej goli i tretë i avantazhit, u gabua në sulm dhe prishtinasit shënuan dhe më pastaj edhe barazuan në 21:21 ndërsa  10 minutat e fundit mysafirët u treguan më të qetë dhe morën fitoren duke e përmbyll ndeshjen me 25:28.
Marrë në tersi u tregua një lojë shumë cilësore nga të dyja palët që kënaqi të pranishmit, ndërsa Vëllaznimi lëshoi një rast të mirë që ti arkëtoi dy pikë. Nga radhët e Vëllaznimit u dallua portieri Curri me mbrojtjet bravuroze dhe golashënuesit më të shkathtë Kusari dhe Gjuka me nga 8 gola të shënuara. Nga radhët e Prishtinës më efikasi ishte Beshiri me 7 gola të shënuara.
Nderkaq fitore kane shënuar kadetët e Vellaznimit duke mposhtur Prishtinen 24: 13.
Edhe vashat hendebolliste te Vellaznimit te dielën kane shënuar fitore ne Prizren me ekipin vendas. Ndeshja u mbyll me rezultat te thelle 17 me 40.