Saturday, April 6, 2024
AktualeLajmeSporti

Kampionati Evropian i shahut në Gjakovë

Gjakova ne feste1Në Gjakovë kanë arritur mysafirët e parë të garës më të madhe evropiane në shah. Qyteti i kulturës dhe sportit i njohur për organizime ndërkombëtare dhe mikpritje, prej 11 deri me 24 maj  do të jetë nikoqir i kampionatit Evropian të shahut ku pritet të marrin pjesë qindra shahist të njohur nga afro 40 shtete nga Evropa e mes tyre rreth 140 kryemjeshtra të shahut që flet për nivelin  e lartë të këtij kampionati. Komuna e Gjakovës, Federata e Shahut të Kosovës dhe klubi i shahut Vëllaznimi janë duke i bërë përgatitjet përfundimtare për këtë ngjarje. Hapja solemne e kampionatit do të bëhet të mërkurën në Pallatin e Kulturës Asim Vokshi. Garat do të zhvillohen në ambientet e hotelit Pashtriku, që tash në brendi ka marrë një pamje moderne dhe atraktive,  ndërkohë që shahistët evropian do të vendosen edhe në disa nga objektet tjera  hoteliere të Gjakovës. Gjatë dy javëve , krahas garave, pritet që Gjakova të gjallërohet nga mysafirët e shumtë të cilët do të kenë mundësinë të njihen përsëafërmi me trashëgimin e pasur kulturore dhe në një formë bizneset gjakovare pritet  të vizitohen nga mysafirët e shumtë