Wednesday, January 1, 2025
Lajme

KRU “Radoniqi”: Edhe 650 mijë euro investime këtë vit

Radoniqi-branaKompania Rajonale e Ujësjellësit Radoniqi edhe këtë vit ka paraparë investime  të reja në ngritjen e cilësisë së shërbimeve për konsumatorët . Këto ditë , stafi menaxhues I kësaj kompanie ka arritur edhe dy marrëveshje  me Ministrinë e Zhvillimit Ekonomik të Kosovës  që kapin vlerën prej 650 mijë eurove.

Radoniqi kanali derivues
Kanali i mbyllur derivues qe dergon ujin ne liqenin e Radoniqit

Fjala është për vazhdimin e fazës së  dytë të projektit për ndërtimin e  kanalit të mbyllur derivues me vlerë prej 400 mijë euro  si dhe të vazhdimit të fazës së dytë të projektit për prodhimin e ujit në fshatrat e Anadrinit në vlerë prej  250 mijë euro.

Në njoftimin e KRU Radoniqi theksohet se  krahas furnizimit te qëndrueshëm të konsumatorëve me ujë 24 orë pa ndërprerë , kjo kompani është duke realizuar edhe projekte shumë të rëndësishëm  dhe  strategjike , ku veç vitin e kaluar ka investuar 1 milion e 332 mijë euro.  nga mjetet  vetenake dhe investime të jashtme.