Kompania rajonale e Ujësjellësit “Radoniqi” është shpallur si kompania me performancën më të mirë në Republikën e Kosovës. Këtë vlerësim e ka bërë Zyra e Rregulltorit për ujë dhe kanlizim pranë Qeverisë së Kosovës.
Ndërkaq lidhur me këtë cmim që ka gëzuar dhe motivuar akoma më tepër punonjësit e Radoniqit, të enjten është mbajtur një konferëncë për gazetarë, ku drejtori I KRU Radonqiqi Ismet Ahmeti theksoi se kjo arritje, duke u shpallur me performance më të mirë mes 7 kompanive të Kosovës, është realizuar në saje të kontributit të gjithë punëtorëve dhe stafit drejtues të cilët kanë punuar 24 orë për furnizim të bollshëm me ujë cilësorë të rreth 250 mijë banorëve të Gjakovës, Rahovecit dhe disa zonave të komunës së Prizrenit, duke zvogëluar humbjet dhe shtuar inkasimin.
“Është punuar me një intensitet të lartë nga ana e gjithë punëtorëve dhe stafit menagjues. Kemi arritur të furnizojmë konsumatorët tanë me ujë pandërprerë 24 orë, kemi arritur ti zvogëlojmë humbjet në rrjetin e vjetruar 50 vjeçar nga 78 % në 48 %, pastaj kemi zvogëluar keqpërdorimet dhe kemi realizuar apo jemi në realizim e sipër të 7 projekteve në zgjerimin e rrjetit të ujësjellësit në fshatrat e anadrinisë në Rahovec, dhe në komunën e Gjakovës si dhe jemi në përfundim të fazës së dytë të realizimit të projektit të kanalit derivues në Liqenin e Radoniqit”, theksoi Ahmeti.
Ndryshe ZRRUK, monitoron dhe raporton çdo vit performancën kombëtare për shërbimet e ujit në Kosovë dhe për këtë qëllim ka zhvilluar një suitë të plotë të treguesve të performancës të cilat përfshijnë aspektet operative, financiare, shërbimeve ndaj konsumatorëve, si dhe standardeve të shërbimit.