Kompania Rajonale e Ujësjellësit “Radoniqi” në Gjakovë njofton konsumatorët se ka filluar me ç’kyçje të të gjithë konsumatorëve të pa përgjegjshëm të cilët nuk kanë bërë pagesën për ujin e shpenzuar. Zyrtarët e kësaj kompanie shprehen se kanë mobilizuar të gjitha ekipet e tyre për këtë aktivitet për të cilin kanë përkrahjen e Kuvendit të Komunës së Gjakovës dhe Policisë së Kosovës. Ç’kyçja ka filluar tek konsumatorët familjar dhe ata institucional të cilët kanë borxhe të mëdha, si në fshatrat Cermjan, Bec, Lugbunar, Rugovë, si dhe në shkollat “Zekirja Rexha”, “Nexhbedin Nixha”, “Sadik Stavileci”, “Kadri Kusari”, “Mustafa Bakija” dhe “Fehmi Agani”.
Ky proces i ç’kyçjes do të vazhdoj pa ndërprerë pasi kompania “ Radoniqi” ka shtjerrë të gjitha mundësit ligjore dhe rregullative duke përfshirë edhe mundësit e rregullimit të pagesës së borxheve me marrëveshje deri në 60 muaj. “Radoniqi” u bënë thirrje konsumatorëve të cilët kanë borxhe që të bëjnë pagesat e tyre sa më parë sepse për ri-kyçje do të përfshihet edhe pagesa në shumë prej 43 Euro.